جہانگیر ترین کا الیکشن کمیشن کو خط-ہ لودھراں انتخابات سے قبل دھاندلی 

اسلام آباد (مانیٹرنگ ڈیسک )پاکستان تحریک انصاف کے سیکریٹری جنرل رہنما جہانگیر ترین نے الیکشن کمیشن کو خط لکھا ہے جس میں استدعا کی گئی ہے کہ وزیر اعظم نواز شریف آج لودھراں کے سرکاری دورے پر اچانک جا رہے ہیں انہیں اس دورے سے روکا جائے ۔خط کے متن میں کہا گیا ہے کہ کیونکہ لودھراں کے حلقہ این اے 154میں ضمنی انتخابات کا اعلان ہو چکا ہے اور وزیر اعظم کی جانب سے اس دورے کے دوران لودھراں کیلئے 10ارب روپے کے امدادی پیکجز دیئے جانے کا امکان ہے لہذا وزیر اعظم کا یہ دورہ قبل از انتخابات دھاندلی کے ذمرے میں آتا ہے ۔پی ٹی آئی رہنما کی جانب سے یہ خط سیکرٹری الیکشن کمیشن کو لکھا گیاہے۔واضح رہے کہ حلقہ این اے 154سے عام انتخابات میں آزاد امیدوار صدیق بلوچ کامیاب ہوئے تھے جنہوں نے بعدمیں ن لیگ میں شمولیت اختیار کر لی تھی ۔صدیق بلوچ کی کامیابی کو ان سے ہارنے والے پی ٹی آئی کے امیدوار جہانگیر ترین نے چیلنج کر دیا تھا جس میں الیکشن ٹربیونل اور بعد ازاں سپریم کورٹ نے انتخابات کالعدم قرار دیتے ہوئے دوبارہ انتخابات کا حکم دیا تھا ۔

ٹیسٹ پلیئرز رینکنگ جاری، باﺅلرز میں یاسر شاہ، بیٹنگ میں یونس خان کی تر قی

ٹیسٹ پلیئرز رینکنگ جاری، باﺅلرز میں یاسر شاہ،  بیٹنگ میں یونس خان 

کی تر قی

دبئی (مانیٹرنگ ڈیسک) انٹرنیشنل کرکٹ کونسل ( آئی سی سی) نے شارجہ ٹیسٹ کے بعد پلیئرز رینکنگ بھی جاری کر دی ہے جس کے مطابق باﺅلرز میں یاسر شاہ بدستور دوسرے نمبر پر براجمان ہیں۔ تفصیلات کے مطابق نئی رینکنگ کے مطابق جنوبی افریقہ کے ڈیل سٹین کا پہلی پوزیشن پر قبضہ برقرا ر ہے جبکہ پاکستان کے یاسر شاہ اور انگلینڈ کے جیمز اینڈرسن مشترکہ طور پر دوسری پوزیشن کے حقدار ٹھہرے ہیں۔ اس فہرست میں انگلینڈ کے کرس براڈ چوتھے اور نیوزی لینڈ کے ٹرینٹ بولٹ پانچویں نمبر پر موجود ہیں۔ آسٹریلیا کے مچل جانسن چھٹے نمبر پر، جنوبی افریقہ کے فلینڈر ساتویں، بھارتی باﺅلر ایشون آٹھویں، سری لنکن باﺅلر ہیراتھ نویں نمبر پر موجود ہیں جبکہ نیوزی لینڈ کے ٹم ساﺅتھی کا دسواں نمبر ہے۔

سپیکر کے انتخاب کیلئے پیپلزپارٹی سمیت تمام جماعتوں سے ووٹ مانگیں گے-تحریک انصاف

اسلام آباد(مانیٹرنگ ڈیسک )سپیکر قومی اسمبلی کیلئے تحریک انصاف کے نامزد امیدوار شفقت محمود بھی قومی اسمبلی میں پہنچ گئے  ۔اس سے پہلے پارلیمنٹ ہاؤس کے باہرمیڈیا سے بات کرتے ہوئے شفقت محمود کا کہنا تھا کہ گزشتہ روز ہونےوالے پارٹی اجلاس میں عمران خان کی جانب سے فیصلہ کیا گیا ہے کہ سپیکر کے انتخاب کیلئے پیپلزپارٹی سمیت تمام جماعتوں سے ووٹ مانگیں گے۔انہوں نے کہاکہ اپوزیشن کی جماعتوں کو ساتھ لے کرچلا جائے ۔ایم کیو ایم سے رابطے کے حوالے سے سوال کاجواب دیتے ہوئے انہوں نے کہا کہ اس کے بارے میں پارٹی فیصلہ کرے گی۔یاد رہے کہ پی ٹی آئی نے اپوزیشن سے مشورہ کئے بغیر شفقت محمود کو امیدوار نامزدکیا تھا جس کو قائد حزب اختلاف خورشید شاہ نے تنقید کا نشانہ بھی بنایا ہے۔

بھارت میں ا نتحا پسند ی کے واقعات دنیا کیلئے لمحہ فکریہ ہیں، عمران خان کے معاملے پر دلی رنج ہوا: وزیر داخلہ

اسلام آباد (مانیٹرنگ ڈیسک) وفاقی وزیر داخلہ چوہدری نثار علی خان نے کہا ہے کہ جو کچھ بھارت میں ہو رہا ہے وہ دنیا کیلئے لمحہ فکریہ ہے اور جب تک عالمی برادری تمام ممالک کیساتھ یکساں سلوک نہیں کرے گی، سب ٹھیک نہیں ہو گا، پاکستانیوں کے خلاف توہین آمیز سلوک برداشت نہیں کر سکتے۔ 

تفصیلات کے مطابق میڈیا سے گفتگو کرتے ہوئے چوہدری نثار علی خان نے کہا کہ انہوں نے امریکی سینیٹر جان کیری کیساتھ ایک ملاقات میں ان سے کہا کہ جب پاکستان میں کوئی چھوٹا سا بھی واقعہ ہوتا ہے تو واویلا مچا دیا جاتا ہے لیکن پڑوسی ملک بھارت میں طوفان تک برپا ہو جاتے ہیں لیکن عالمی برادری اور امریکہ کچھ بھی نہیں کرتا۔ اس پر انہوں نے پوچھا کہ کیا ہوا تو میں نے انہیں بتایا کہ وہاں لوگوں کو زندہ جلایا جا رہا ہے لیکن کوئی پوچھنے والا نہیں ہے۔ 

ایک سوال کے جواب میں چوہدری نثار علی خان نے کہا کہ عمران خان کے ساتھ معمولی کی بات چیت نہیں ہے لیکن ان کی ذاتی زندگی میں ہونے والے واقع پر دلی رنج ہے۔ ان کا کہنا تھا کہ وزارت میں تمام ذیلی اداروں کو کمپیوٹرائزڈ کر دیاگیا، میرے دور میں 1400 وی آئی پیز کا چالان ہوا، یہی نہیں بلکہ میری گاڑی کا بھی دو بار چالان ہو چکا ہے۔ انہوں نے کہا کہ نادرا میں کرپشن کے باعث 200 افراد کو نکالا، ایف آئی اے کا بھی احتساب ہو گا۔

ایشز کے فاتح کو ہرانا معمولی بات نہیں: مصباح

پاکستانی کرکٹ ٹیم کے کپتان مصباح الحق کا کہنا ہے کہ ایشیز کی فاتح ٹیم کے خلاف ٹیسٹ سیریز جیتنا پاکستانی ٹیم کا بہت بڑا کارنامہ ہے۔

مصباح الحق نے شارجہ ٹیسٹ میں 127 کی فتح کے بعد کہا کہ جیت جیت ہوتی ہے آپ کسی بھی ٹیم کے خلاف حاصل کریں لیکن ایک ایسی ٹیم جس نے ایشیز جیتی ہے اور جو دنیا کی صف اول کی ٹیموں میں سے ایک ہے اس کے خلاف سیریز کا جیتنا معمولی بات نہیں ہے۔

سپنرز نے پاکستان کو عالمی نمبر دو بنوا دیا

شارجہ ٹیسٹ کا فیصلہ کن دن

مصباح الحق نے کہا کہ انھوں نے سیریز سے قبل ہی کہا تھا کہ تین صفر کی بات نہ کی جائے بلکہ یہ دیکھا جائے کہ اگر آپ انگلینڈ کے خلاف کسی بھی مارجن سے جیتیں گے تو اس کی بھی اہمیت ہوگی۔

’دو صفر کی یہ جیت تین صفر کے کلین سوئیپ سے کسی طرح کم نہیں۔‘

مصباح الحق نے کہا کہ پہلے ٹیسٹ میں پاکستانی ٹیم کی بدقسمتی رہی کہ اس کے میچ ونر یاسر شاہ ان فٹ ہونے کے سبب وہ میچ نہ کھیل سکے اور ان کے نہ ہونے سے بہت زیادہ فرق پڑا۔

چیئرمین سینیٹ کا صحافی کے خلاف کارروائی کا حکم

کستان کے ایوان بالا یعنی سینیٹ کے چیئرمین رضا ربانی نے ممبران پارلیمنٹ کے بارے میں نازیبا الفاظ کہنے پر انگریزی اخبار ’دی نیشن‘ کے ایڈیٹر سلیم بخاری کے خلاف کارروائی سے متعلق رولنگ دی ہے اور حکومت سے کہا ہے کہ وہ اس صحافی کے خلاف کارروائی کرے۔

سینیٹ کے چیئرمین رضا ربانی نے یہ رولنگ ایوان میں موجود ارکان کی طرف سے مذکورہ صحافی کی طرف سے ارکان پارلیمنٹ کے خلاف نازیبا الفاظ کہنے کے خلاف تقاریر کے بعد دی۔

واضح رہے کہ سلیم بخاری نے 27 اکتوبر کو نجی ٹی وی چینل آے آر وائی کے پروگرام میں پارلیمنٹیرین کے بارے میں نازیبا الفاظ استعمال کرتے ہوئے کہا تھا کہ پارلیمنٹ میں بیٹھے لوگ آئین ا ور قانون کی خلاف ورزی کرتے ہیں۔ بعد ازاں پروگرام کے میزبان کے کہنے پر سلیم بخاری نے اپنے الفاظ واپس لے لیے تھے۔

سینیٹ کے چیئرمین نے رولنگ دیتے ہوئے کہا کہ آئین اظہارِ رائے کی اجازت ضرور دیتا ہے لیکن اس کا مطلب یہ نہیں ہے کہ اس آزادی کا غلط استعمال کیا جائے اور لوگوں اور اداروں کے بارے میں توہین آمیز الفاظ ادا کیے جائیں۔

رضا ربانی کا کہنا تھا کہ پارلیمنٹ عوام اور اداروں کے حقوق کے تحفظ کا ادارہ ہے۔

اُنھوں نے کہا کہ میڈیا کو خود اپنے آپ پر چیک رکھنا چاہیے اور ایسے الفاظ استعمال کرنے سے اجتناب کرنا چاہیے جس میں کسی کی توہین کا پہلو نکلتا ہو۔

چیئرمین سینیٹ نے کہا کہ مذکورہ صحافی نے پارلیمنٹ کی بطور ادارہ توہین کی ہے جسے کسی طور پر بھی نطر انداز نہیں کیا جا سکتا۔ حکومت اور حزب مخالف سے تعلق رکھنے والے ارکان نے بھی اس پر ناراضی کا اظہار کرتے ہوئے کہا کہ ایسے شخص کو ٹی وی چینلز اور کالموں میں جگہ نہیں دی جانی چاہیے۔

رضا ربانی نے سینیٹ کے سیکریٹری کو ہدایت کی کہ وہ اس بارے میں پاکستان الیکٹرانک میڈیا ریگولیٹری اتھارٹی کے چیئرمین کو خط لکھیں اور اس بارے میں چیئرمین سینیٹ کی رولنگ کو بھی شامل کیا جائے۔

اُنھوں نے کہا کہ حکومت سلیم بخاری کے خلاف قانون اور رولز کے مطابق کارروائی کرے اور اس بارے میں ایوان کو بھی آگاہ کیا جائے

بچے کا تجسس کیسے قتل ہوتا ہے ؟

میری21 ماہ کی بیٹی نے میری انگلی پکڑی اور مجھے ٹیرس کی طرف لے گئی۔ نیچے سڑک زیرِ

 تعمیر تھی۔مجھے اندازہ ہوا کہ اس نے سٹرک پر کوئی نئی چیز ضروردیکھی ہے ...

میری21 ماہ کی بیٹی نے میری انگلی پکڑی اور مجھے ٹیرس کی طرف لے گئی۔ نیچے سڑک زیرِ تعمیر تھی۔مجھے اندازہ ہوا کہ اس نے سٹرک پر کوئی نئی چیز ضروردیکھی ہے ۔اوراب مجھے وہ چیز دکھانا چاہ رہی ہے ۔جنگلے کے قریب پہنچ کر اس نے سڑک کی طرف انگلی سے اشارہ کیا اور کہنے لگی:’’وہ، وہ‘‘ ۔بے اختیار میرے ہونٹوں پہ مسکراہٹ آگئی۔سامنے بجری پڑی تھی۔جو کچھ دیر پہلے ہی ٹرک سے اتاری گئی تھی ۔ میری بیٹی حیران ہورہی تھی کہ سڑک پر یہ ڈھیر کیسا ہے اور اچانک کہاں سے آگیا ہے؟ بچہ اور تجسس تجسس بچے کا امتیازی نشان ہوتا ہے وہ ہمیشہ کھوج میں لگا رہتا ہے کہ اس کے ارد گرد چیزیں کیاہیں، کیسی ہیںاور کیوں ہیں۔ آسمان پر چمکتا چاند، ہوا میں اڑتے پرندے، چھت پر لگا پنکھا، دیوار پر لٹکا مکڑی کا جالا، چولھے میں جلتی آگ، ٹونٹنی سے ٹپکتا پانی، پھولوں پر منڈلاتی تتلی اسے حیران کردیتے ہیں ۔ وہ اس حیرت انگیز دنیا کو دریافت کرنا چاہتا ہے ۔اسے علم ہوتا ہے کہ اس کے والدین معلومات کا خزانہ ہیں اور وہ اسے اَن دیکھی دنیا کی سیر کرا سکتے ہیں ۔ اسے یہ بھی پتا چل جاتا ہے کہ زبان ہی وہ ذریعہ ہے جس کی مدد سے وہ اپنے والدین سے معلومات حاصل کرسکتا ہے ۔ چنانچہ وہ زبان سیکھتا ہے ۔لیکن زبان سیکھنے میں تو وقت لگتا ہے اور اس کا تجسس اسے چین سے بیٹھنے نہیں دے رہا ہوتا۔ چنانچہ زبان سیکھنے تک وہ انگلی ، ہاتھ اور آنکھ کے اشاروں سے سوال پوچھنا شروع کردیتا ہے ۔اس کا انگلی اٹھانا محض ہاتھ کا اشارہ نہیں ہوتا ۔ اس میں ایک سوال چھپا ہوتا ہے ۔ ’’یہ شے کیا ہے؟ کیوں ہے ؟میں اس کے بارے جاننا چاہتا ہوں‘‘۔ بچہ جب زبان سیکھ جاتا ہے تو اس کے معصومانہ سوالات سن کر آپ کو ہنسی آتی ہے ۔ بعض اوقات آپ کو اس کے سوالات بے تکے بھی لگتے ہیں۔ لیکن یہ سوالات بے تکے ہر گز نہیں ہوتے ۔بچہ دراصل دنیا کو تازہ نظر سے دیکھ رہاہوتا ہے۔ ’’دادا کی ڈاڑھی کیوں ہے؟‘‘، ’’چڑیا کھانا کہاں سے کھاتی ہے؟‘‘،’’آگ کیوں جلتی ہے؟‘‘، ’’انکل کے سر پر بال کیوں نہیں ہیں؟‘‘۔ سچی بات یہ ہے کہ بچے کو جوابات دینے کے لیے آپ کو بھی ہر شے کو تازہ نظر سے دیکھنا پڑتا ہے ۔ اسی طرح بعض اوقات بچہ بہت مشکل سوالا ت کرتا ہے۔ ’’لوگ کیوں مر جاتے ہیں؟‘‘، ’’میں کہاں سے آیا ہوں؟‘‘، ’’خدا کیا ہے؟‘‘ ۔ آپ پریشان ہوجاتے ہیں کہ بچے کے ان سوالات کے کیا جوابات دیے جائیں۔ ایسے جوابات جو اس کی عمر اور سمجھ کے مطابق ہوں۔ سوال ، سوال، سوال۔۔۔ بچہ سوال پر سوال کرتا ہے ۔ وہ اتنے سوالات کرتا ہے کہ بعض اوقات آپ تنگ آجاتے ہیں ۔ ایک تحقیق کے مطابق4 سال کی بچی تقریباًہر 1 منٹ 56 سیکنڈ بعد ایک سوال کرتی ہے۔ Professor Michelle Chouinard کے مطابق ایک بچہ اپنے سرپرست کے ساتھ تعامل میںجتنے سوالات کرتا ہے ۔ ان میں سے تقریباً ایک تہائی سوالات توجہ کے حصول کے لیے ہوتے ہیں جب کہ دو تہائی سوالات معلومات حاصل کرنے کے لیے ہوتے ہیں ۔ بچہ صرف پوچھتا ہی نہیں ہے وہ خود تجربہ کر کے بھی چیزوں کو کھوجتا ہے ۔ فیڈر سے دودھ زمین پر گرا کر اس کی دھار دیکھتا ہے ، برف کو چھو کر اس کی ٹھندک محسوس کرتا ہے ، آگ کے شعلے کو پکڑ کر اس تپش جانچتا ہے ،لیموں کو چکھ کر اس کی کھٹاس معلوم کرتا ہے، پودے کو اکھاڑ کے اس کی جڑ کا معائنہ کرتا ہے۔ یہ اس کے چھوٹے چھوٹے تجربات ہیں۔ بچہ ایک ننھا سا سائنسدان ہوتا ہے۔ وہ پانی کوباری باری مختلف برتنوں میں ڈال کر مائع کی تبدیل ہوتی شکلوں کا مشاہدہ کرتا ہے ۔ بلندی سے موبائل گرا کر اور بار بار بلب آن آف کرکے سبب اور نتیجہ(Cause and Affect) جاننا چاہتا ہے ۔ تجسس کا معجزہ بچہ ابتدائی چند برسوں میں جتنا کچھ سیکھ جاتا ہے جائزہ لیں تو آپ حیران رہ جائیں گی۔وہ ایک زبان مکمل طور سیکھ جاتا ہے ، جسمانی حرکات میںکمال حاصل کر لیتا ہے ، معاشرتی مہارتوں میں درک حاصل کرلیتا ہے ۔ ماحول کی آوازوں ،چرند پرند کی بولیوں، چیزوں کے ذائقوں ، اشیا کی ماہیت اور ان کی اشکال ، غصے اور محبت کے احساسات کے بارے میں جان جاتا ہے ۔ ذرا تصور کریں کہ پیدائش کے وقت بچہ ان میں سے کچھ بھی نہیں جانتا ۔ وہ صفر کے مقام پر کھڑا ہوتا ہے ۔وہ مختصر وقت میںکہاں سے کہاں پہنچ جاتا ہے۔یقینا یہ اس کی بہت بڑی کامیابی (achievemnet) ہے ۔ سوال یہ پیدا ہوتا ہے کہ بچہ آخر اتنی ساری چیزیں کیسے سیکھ لیتا ہے؟اس کا سادہ سا جواب یہ ہے کہ یہ اس کے اندر کا تجسس ہے جس کی مدد سے وہ سیکھنے میں دلچسپی لیتا ہے ،سیکھتا ہے اور سیکھتا چلا جاتا ہے ۔ دوسرے الفاظ میں گویا تجسس سیکھنے کی بنیا دہے اور یہ دراصل سیکھنے کی طاقت ورخواہش کا نام ہے ۔ اگربچہ اس تجسس کو لے کر پروان چڑھے اور یہ تجسس اس کے ساتھ رہے تو گویااس کے پاس عمر بھرسیکھنے کا ہنر (Life Time Learning) آگیاہے ۔ انسانی دماغ اور تجسس بچے کے دماغ کے لیے سب سے زیادہ پسندیدہ شے’تجسس‘ ہے۔ دماغ میں جستجو اور سیکھنے کا ایک خاص میکانزم (Seeking Mechanism) ہوتا ہے ۔ تجسس اس میکانزم کو ترقی دیتا ہے ۔تجسس بچے کے سیکھنے کا انجن بھی ہوتا ہے ۔ اسی کی مدد سے وہ سیکھنے کی دنیا میں آگے بڑھتا ہے ۔ اس کے لیے سیکھنے سے بڑھ کر کوئی مسرت انگیز عمل نہیں ہوتا ۔وہ چیونٹیوں کی چلتی ہوئی قطار دیکھ کر رک جاتا ہے اور اس کے مشاہدے میں کھوجاتا ہے ۔ وہ ننھی منی متحرک مخلوق کو دیکھ کر خوشی سے قلقاریاں مارنے لگتا ہے ۔ ممکن ہے کہ آپ کی انگلی پکڑ کر لے آئے اورآپ کو بھی اپنی خوشی میں شریک کرے۔ دریافت کا یہ عمل اتنا وجد آفریں ہوتا ہے کہ وہ اس کو بار بار دہرانا چاہتا ہے ۔ ایک کے بعددوسری دریافت کرتا ہے ۔اس دریافت میںوہ کئی ایک مہارتیں حاصل کرلیتا ہے ۔ تجسس کے وقت بچہ اتنا خوش کیوں ہوتا ہے ؟اور ان لمحات میں وہ اتنا جلدی کیوں سیکھ جاتا ہے ؟ماہرین کے مطابق دماغ میں ایک سرکٹ ہوتا ہے جو ہمیں توانائی دیتا ہے ۔ یہ سرکٹ اس وقت روشن ہو جاتا ہے جب بچے کو شاباش ملتی ہے یا اسے کوئی انعام دیا جاتا ہے یا وہ اپنی پسندیدہ آئس کریم حاصل کرتا ہے ۔ اور یہ اس وقت بھی روشن ہوجاتا ہے جب بچہ متجسس ہورہا ہوتا ہے ۔ اس وقت دماغ ایک کیمیائی مادہ خارج کرتا ہے جسے Dopamine کہتے ہیں ۔ یہ مادہ دماغ کے ان خلیوں کا آپس میں ربط بڑھادیتا ہے جو سیکھنے میں کردار ادا کرتے ہیں ۔تجسس کے وقت ہی دماغ کے اس حصے کی سرگرمی بھی بڑھ جاتی ہے جو Hippocampus کہلاتا ہے ۔ دماغ کا یہ حصہ یاداشت اور معلومات کو یاد رکھنے میں کلیدی کردار ادا کرتا ہے ۔چنانچہ جن باتوں پر بچہ متجسس ہورہا ہوتا ہے وہ ان کو جلدی سیکھ لیتا ہے اور وہ اس کی یادداشت کا جلدی اور فوری حصہ بن جاتی ہیں ۔ سکول اور بچے کا تجسس بچے کے پاس تجسس ہوتا ہے ۔ جو اس کے سیکھنے کی بنیاد کا پتھر ہوتا ہے ۔ سکول چاہتا تو تعلیم کی عمارت اس پر کھڑی کردیتا ۔اس طرح بچے کے سیکھنے کا عمل مزے سے اور موثر اور فطری اندازجاری رہتا ۔بچہ معلومات حاصل کرنے کا مشتاق ہوتا، سوالات پوچھ رہا ہوتا، تصورات کی تحقیق کر رہا ہوتا، مطالب کی جستجو میںلگا ہوتا ، سیکھی گئی باتوں کا فطرت اور ماحول سے تعلق جوڑ رہا ہوتااور سیکھنے کے لیے نئے نئے تجربات کررہا ہوتا۔ لیکن افسوس ایسا کچھ نہیں ہوتا ۔سکول میں بچے کے تجسس کو نظرانداز کرکے سیکھنے کی بنیاد تعلیمی معیارات (Learning Standards) اور جائزے (Assessment) پر رکھ دی جاتی ہے۔ اور اسی کو سامنے رکھ کر تدریسی حکمت عملی بروئے کار لائی جاتی ہے ۔ پھر اعداد وشمار، گراف اور پریزینٹیشن کے ذریعے ثابت کیا جاتا ہے کہ بچہ تعلیمی میدان میں ترقی کررہا ہے ۔ والدین اور اساتذہ سب خوش ہو رہے ہوتے ہیں کہ بچہ سیکھ رہا ہے ۔لیکن بچہ تو کچھ بھی نہیں سیکھ رہا ہوتا ۔ وہ صرف نمبر اور گریڈ حاصل کر رہا ہوتا ہے ۔اوراسے ان نمبروں اور گریڈ کی بھاری قیمت چکانا پڑ رہی ہوتی ہے ۔ اس کی تعلیم کی بنیاد، عمر بھر سیکھنے کا ہنر ،اس کے اندر کا فطری تجسس آہستہ آہستہ دم توڑ رہا ہوتا ہے ۔حتیٰ کہ ایک دن یہ تجسس ختم ہوکر رہ جاتا ہے ۔ وہ بچہ جو شوق اور خوشی سے سیکھ رہا ہوتا ہے اس کے لیے سیکھنے سے بڑھ کر کوئی بور عمل نہیں ہوتا ۔وہ بادل ِ ناخواستہ سکول جاتا ہے اورچھٹی کرکے بھاگ آتا ہے ۔ چھٹی کے دن وہ جشن مناتا ہے ۔ سکول تجسس کیسے ختم کرتا ہے؟ سکول کے پاس بچے کا تجسس ختم کرنے کا پورا ایک میکانزم ہوتا ہے ۔ایک تدریج کے ساتھ وہ تجسس کو ختم کردیتا ہے ۔ سکول بچے کے تجسس کے ساتھ کیا سلوک کرتا ہے ؟ آئیے جائزہ لیتے ہیں ۔ (i۔ سوالات کو اہمیت نہ دینا چھوٹا بچہ انگلی کے اشاروں سے سوالات کرتا ہے ۔وہ چھت پر لگے پنکھے کی طرف اشارہ کرتا ہے ۔ آپ اس کے جواب میں کہتے ہیں ’’پنکھا‘‘ ۔ اسے اندازہ ہوتا ہے کہ اس کا اشارہ(سوال)اہم تھا جس کا جواب اسے ملا۔اگر آپ اس کے اشارے کو اہمیت نہ دیں تو کچھ عرصے بعد وہ انگلی کے اشارے (سوالات)کم کردے گا ۔1984 میں Barbara TizardاورMartin Hughes کی ایک تحقیق کے مطابق برطانیہ میں مڈل کلاس فیملی کے بچوں میں تجسس زیادہ ہوتا ہے ۔ جب کہ ورکنگ کلاس والدین کے بچوںمیں تجسس کم ہوتا ہے۔ اس لیے کہ مڈل کلاس خاندانوں کے پاس بچوںکے لیے وقت ہوتا ہے ۔ وہ بچوں کی باتیں سنتے ہیں، ان کے سوالات سمجھتے ہیں اورجوابات دیتے ہیں یوں وہ بچوں کے تجسس کی تسکین کا سامان کرتے ہیں ۔اس کے برعکس ورکنگ کلاس والدین کے پاس بچوں کے لیے وقت نہیں ہوتا کہ وہ بچوں کی باتیں سن سکیں اور ان کے سوالات کو ریسپانس کرسکیں۔اس لیے ان کے بچوں میں تجسس ختم ہو کر رہ جاتا ہے ۔ ہمیں جاننا چاہیے کہ بچوں کوان کے سوالات کا ریسپانس نہ ملے تو وہ سوال کرنا چھوڑ دیتے ہیں۔ اس طرح اگر انھیں منفی ریسپانس ملے تب بھی وہ سوال کرنا ترک کردیتے ہیں ۔ مثلاً بچہ آپ سے کچھ پوچھتا ہے اور آپ اسے کہتے ہیں کہ آپ ابھی چھوٹے ہو ، آپ کو نہیں پتا، وقت آنے پر آپ کو پتا چل جائے گا ، میں بعد میں آپ کو بتائوں گا ، اپنی مما سے جا کر پوچھ لوغیرہ وغیرہ۔اس طرح کے منفی ریسپانس بچے کے تجسس کے لیے زہرِ قاتل ہیں۔ سکول میں بچے کے ساتھ کیا ہوتا ہے ؟ اول تووہاں سوالات پوچھنے کا ماحول ہی نہیں ہوتا ۔استاد بولتا ہے بچے سنتے ہیں اورپیریڈ ختم ہوجاتا ہے ۔ ایسے ماحول میں بچے کا سوال کرنا ماحول سے مطابقت نہیں رکھتا ۔ اس لیے بچہ سوال نہیں کرتا۔ پھر بچے کے سوال نہ کرنے کی اور بہت سی وجوہات ہوتی ہیں ۔ چھوٹے بچے کو اپنا سوال بنانے اور اسے اپنی زبان میں ڈھالنے میں دقت کا سامنا ہوتا ہے ۔ سوال کرنے کے لیے اسے وقت چاہییے ہوتا ہے ۔لیکن استاد کے پاس وقت نہیں ہوتا ۔ اس کا تدریسی کام تیزی سے آگے بڑھ رہا ہوتا ہے ۔ بچے کے سوال کرنے سے پہلے استاد اگلے موضوع پر پہنچ چکا ہوتا ہے ۔اس طرح بعض اوقات بچہ سوال کرنے سے ڈرتاہے کہ کہیں اس کا مذاق نہ اڑایا جائے، استاد کو غصہ نہ آجائے یااس کا سوال غیر اہم سمجھ کر نظر انداز نہ کردیا جائے۔ وہ پوری کلاس کے سامنے بولنے میں بھی جھجھک محسوس کرتا ہے ۔ایسے میں بچے کو تھپکی دینے اور اس کی حوصلہ افزائی کرنے والا کوئی نہیں ہوتا ۔ بچے تو سوالات نہیں کرتے اور ہمیں کچھ وجوہات کا اندازہ بھی ہوگیا لیکن بعض اچھے سمجھے جانے والے سکولوں میں استاد بچوںکے سامنے سوالات ضرور اٹھاتے ہیں لیکن بدقسمتی سے وہ ان سوالات کو کلاس روم ڈسکشن کا حصہ نہیں بناتے۔ یوں یہ سوالات بھی بے معنی ہوجاتے ہیں ۔ وہ خود سوالات اٹھاتے ہیں اور بچوں کی طرف سے حقیقی جواب آنے سے پہلے خود ہی ان کا جواب دے دیتے ہیں۔ اللہ اللہ خیر صلا۔ اصل میں استاد کی توجہ سوال سے زیادہ اس کے جواب پر ہوتی ہے ۔ اس کو ایک ہی فکر دامن گیر ہوتی ہے کہ کسی طرح بچے جوابات یاد کرلیں ۔ (ii تعلیم کی خیالی دنیا بچے کے تجسس کا عمل متحرک ہوتا ہے اور زندگی سے متعلق ہوتا ہے ۔وہ چیزوں کا مشاہد کرتا ہے ،انھیں چھوتا ہے ، محسوس کرتا ہے ،ان کے بارے میں سوچتا ہے اور ان کا نقش اس کے ذہن پر مرتسم ہوجاتا ہے ۔ جن چیزوں کو وہ چھو نہیں سکتا انھیں چھوئی گئی چیزوں پر قیاس کرتا ہے ۔سکول میں بچے کے سامنے ایک خیالی دنیا ہوتی ہے ۔ تعلیمی مواد(Learning Material) میں جو کچھ پڑھنے کے لیے دیا جاتا ہے ۔بچہ اس کے ساتھ تعامل نہیں کرسکتا۔ اور نہ ہی وہ اس کی عملی زندگی سے متعلق ہوتا ہے ۔ اس کے سامنے’ قلم‘ نہیں ہوتا ۔ بلکہ کتاب میں دی گئی’ قلم‘ کی تصویر ہوتی ہے ۔ اس تصویر کے ساتھ’قلم‘ کی تعریف وہ نہیں ہوتی جس سے وہ طرح طرح کی تصویریں بناتا ہے ، اپنے ہاتھ اور جسم پر جس سے لکیریں کھینچتا ہے ۔جس کی نوک اسے چبھ جاتی ہے اور اسے درد محسوس ہوتا ہے ۔ قلم کی وہ تعریف دی گئی ہوتی ہے جو اس کی زندگی سے زیادہ لگا نہیں کھاتی ۔ اسی طرح بچے کی سیکھنے کی فطری دنیا تو بہت رنگین ہوتی ہے ۔ یہ متنوع آوازوں ،طرح طرح کے ذائقوںاور مختلف حرکات سے بھری ہوتی ہے ۔ سکول کا ماحول روکھا پھیکا ، ساکن اور بے کیف ہوتا ہے ۔ایسا ماحول جس میں بچے کو چپکے ہوکے بیٹھنا ہوتا ہے ۔ نہ رنگ ہوتے ہیں اور نہ ہی ذائقے۔ یہ ماحول بچے کے تجسس کو کھا جاتا ہے ۔ (iii نئے اور غیر متوقع تجربات کی گنجائش نہ ہونا بچے کے سیکھنے کا ایک خاص مزاج ہوتا ہے جس میں اس کی ذہنی عادات ، معلومات حاصل کرنے کا مخصوص طریقہ اور ان معلومات کواستعمال کرنے کا ایک منفرد عمل بروئے کارآتا ہے ۔ اس عمل میں وہ نئے تجربات کرتا ہے ایسے تجربات جو غیر متوقع ہوتے ہیں ۔ان تجربات سے وہ نئی چیزیں دریافت کرتا اور سیکھتا ہے ۔ اور یہ بات شروع ہی سے اس کے مزاج میں شامل ہوتی ہے ۔پیدائش کے وقت اس کے لیے دنیا کی ہر شے نئی ہوتی ہے ۔ وہ مختلف آوازوں، چہروں اوراشیا کی جانب بڑے اشتیاق سے دیکھتا ہے ۔پھر وہ اس دنیا سے مانوس ہونے لگتا ہے ۔اور اس کے لیے کچھ چیزیں پرانی اور دیکھی بھالی ہوجاتی ہیں اور بہت ساری چیزیں ابھی تک نئی اور ان دیکھی ہوتی ہیں۔ اسے نئی چیزیں دیکھنے ، چھونے اور دریافت کرنے کی چاہ ہوتی ہے۔ دو ماہ کی عمر کے بچے کی آنکھوں کے مختلف اشیا لائی جائیں۔ تو وہ مانوس اور پرانی چیزوں کو چیزوں کونظرانداز کرکے نامانوس اور نئی چیزوں میں دلچسپی لے گا۔ بچے کی اسی نفسیات کو مدنظر رکھتے ہوئے ماہرین نفسیات بچوں کے لیے ایسے کھلونے تجویز کرتے ہیں جو فکس نہ ہوں ۔ اور جو صرف ایک سمت میں گھومتے یا حرکت نہ کرتے ہوں ۔ایسے کھلونے ہوں جن کی حرکات کی آپشن زیادہ(Open Ended) ہوں تاکہ بچے انھیں اپنی مرضی سے حرکت دے سکیں، ان کی شکلیں تبدیل کرسکیں اور اپنے تخیل کے زور پر نئے تجربات کرسکیں ۔ ایسا کرنے سے بچے کے تجسس کی تربیت اور اس کو متحرک رکھنے کا سامان ہوسکے گا۔ سکول کے لیے اس بات کی کوئی اہمیت نہیں ہوتی کہ بچہ کیسے سوچتا ہے اور کیسے سیکھتا ہے۔اس کے سامنے سیکھنے کے طے شدہ معیارات (Learning Standards)ہی اہم ہوتے ہیں جو نصابی خاکے (Curriculum) میں مذکور ہوتے ہیں ۔ بلاامتیاز تمام طلبہ کو ان معیارات کی پیروی کرائی جاتی ہے ۔سکول میں ان معیارات سے باہر نکلنے اور نئے تجربات کرنے کی گنجائش نہیں ہوتی ۔ وہاں دائرے سے باہر (Out of Box) سوچنے کا کوئی تصور نہیں ہوتا ۔ بچے کو بلیک اینڈ وائٹ انداز میں سوچنے پر مجبورکردیا جاتاہے ۔ سکول یہ بتاتا ہے کہ سیکھنے کا ایک ہی راستہ اور ترتیب ہے جس کی پابندی ضروری ہے ۔ وہاں یہ نہیں بتایا جاتا کہ ایک ہی چیز کے سیکھنے کے بہت سے راستے بھی ہوسکتے ہیں ۔ سیکھنے کا وہ راستہ بھی اختیارکیا جاسکتا ہے جو بچے کو پسند ہو ، جو اس کے ذہنی میلانات اور شخصیت سے تال میل رکھتا ہو ۔ نتیجہ یہ نکلتا ہے کہ سکول میں بچے کا تجسس ٹھٹھر کر رہ جاتا ہے اور اس کی تخلیقی صلاحیتیں اور قائدانہ خوبیاں ختم ہوجاتی ہیں۔ (ivبچے سے سیکھنے کا کنٹرول لے لینا بچے کا تجسس اس کے سیکھنے کا سب سے بڑا رہنما ہوتا ہے ۔ ماہرین نفسیات کہتے ہیں کہ بچہ کوئی کام کر (مثلاً کھیل ) رہا ہو تو اس کے کام میں مداخلت مت کریں ۔وہ کھیلنے کے کمرے میں کھلونے اور مختلف اشیا بکھیر دیتا ہے۔آپ کو بے ترتیبی سے الجھن ہوتی ہے ۔ وہ کھلونوں سے اپنے انداز اور طریقے سے کھیلنا چاہتا ہے آپ اسے اصل طریقہ بتانا چاہتے ہیں ۔ لیکن بچے کو آپ کی یہ مداخلت پسند نہیں آتی۔ وہ نہیں چاہتا کہ آپ اسے(بغیر کسی فطری ترغیب کے) ڈیکٹیٹ کریں اور اس سے سیکھنے کا کنٹرول لے لیں۔وہ اپنے طور پرکھیلنا چاہتا ہے اور سیکھنا چاہتا ہے ۔ اوریہ اس کے تجسس کو تروتازہ رکھنے کے لیے ضروری بھی ہے۔ہمیں جاننا چاہییے کہ بچہ چیزوں کی الٹ پلٹ اس لیے کررہا ہوتا ہے کیونکہ وہ ان چیزوں کے پیچیدہ پیٹرن(Intricate Patterns) کوسمجھنے کی کوشش کر رہا ہوتا ہے ۔اس دوران وہ اپنے ہاتھ پائوں اور کپڑے بھی گندے کردیتا ہے ۔ اس پر آپ کو فکر مند ہونے کی ضرورت نہیں ۔ یہ سب اس کے سیکھنے کا حصہ ہوتا ہے ۔ آپ کا کام یہ ہے کہ آپ اسے تحفظ اور مدد دیں۔ نقصان پہچانے اور ٹوٹنے والی چیزیں اس کی پہنچ سے دور کردیں ۔ کھیلنے کے بعد کمرے میں چیزوں کو سلیقے سے رکھ دیں۔اس کا جسم اور کپڑے صاف کردیں ۔ ایک وقت کے بعد وہ خود اپنی مرضی سے چیزوں کو ترتیب سے رکھنا اور صاف ستھرا رہنا سیکھ جائے گا ۔ جب بچہ سکول پہنچتا ہے تو بڑوں کا بنایا ہواایک بے لچک اور غیر فطری نظام اس کا منتظر ہوتا ہے ۔سیکھنے کا سارا اختیار اس سے لے لیا جاتا ہے ۔نصاب اور تعلیمی کیلنڈر طے کرتا ہے کہ بچے نے کیا سیکھنا (پڑھنا) ہے، کتنا سیکھنا(پڑھنا) ہے اورکب سیکھنا( پڑھنا) ہے۔پھر جو کچھ بھی سیکھنا ہے وہ بڑوں کی سرپرستی اور نگرانی میں سیکھنا ہے ۔ کیونکہ سکول کو یقین ہوتا ہے کہ بچہ خود کچھ بھی نہیں سیکھ سکتا۔بچے کی رہی سہی خودمختاری کلاس روم مینجمنٹ کے نام پر سلب کر لی جاتی ہے ۔پیریڈ کے نام پر اسے بتایا جاتا ہے کہ اب یہ سیکھو اور یہ سیکھنا بند کردو۔ یہ مداخلت اور بے اختیاری بچے کو اپنی مرضی سے اور آزادانہ سیکھنے سے کوسوں دور کردیتی ہے ۔ (v امتحان کے نقطہ ء نظر سے سکھانا سکول میںجو کچھ سکھایا(پڑھایا) جاتا ہے وہ امتحان میں پاس ہونے کے نقطہ ء نظر سے سکھایا جاتا ہے ۔ متن اور سرگرمیوں کے جن حصوں کا امتحان میں پوچھے جانے کا امکان ہوتا ہے وہی پڑھائے جاتے ہیں ۔ جن حصوں کے امتحان میں آنے کے آثار نہیں ہوتے انھیں نظرانداز کردیا جاتا ہے ۔ یعنی بچوں کو منتخب پڑھائی (Selective Studies) کرائی جاتی ہے ۔اورپھر امتحان بھی بچے کے ’سیکھنے ‘ کا نہیں اس کے حافظے کا ہوتا ہے ۔ چنانچہ بچوں کو منتخب حصے سکھائے نہیں جاتے فقط ان کی معلومات فراہم کی جاتی ہیں ۔ بچے ان معلومات کو اچھی طرح ذہن نشین کرلیتے ہیں۔اور پیپر میں سوالوں کے جواب ٹھیک ٹھیک حل کر آتے ہیں لیکن وہ تصورات کی حقیقی تفہیم سے کوسوںدور ہوتے ہیں ۔ جب ایک تصور کی تفہیم ہی ٹھیک نہ ہوگی تو اس میں بچے کا تجسس چہ معنی دارد؟ بچہ اچھے نمبر لے لیتا ہے ۔ سکول کے لیے اتنا ہی بہت ہوتا ہے ۔ بچے کا تجسس، کھوجنا، دریافت کرنا، ذاتی تجربے کرنا اور تخلیق کرنا سکول کے لیے بے معنی ہوتا ہے ۔ ایسے کاموں کے لیے سکول کے پاس وقت ہے اور نہ ہی تعلیمی کیلنڈر اس کی اجازت دیتا ہے۔ (vii۔ بچوں کے سامنے ماڈل کا نہ ہونا بچوںکو جو کچھ آپ سکھانا چاہتے ہیں خود اس کا آپ کو نمونہ بننا پڑتا ہے۔اساتذہ اگر متجسس ہوں گے تو بچے بھی متجسس ہوں گے۔ یعنی بچے ماڈل کی پیروی کریں گے ۔بدقسمتی سے بچوں کے سامنے سکول میں (اور گھر میں بھی ) کوئی ماڈل نہیں ہوتا۔ استاد نہ سوالات اٹھاتے ہیں ،نہ مختلف چیزوں پر حیران ہوتے ہیں اور نہ ہی جوابات کھوجتے ہیں ۔وہ نئے نئے تجربات بھی نہیں کرتے ۔ اب لاکھ کہا جائے کہ بچے میں تجسس پیدا ہو ان کے سامنے تو کوئی ماڈل ہی نہیں ہے۔ تجسس کیوں ضروری ہے؟ تجسس صرف بچے کے سیکھنے ہی میں کردار ادا نہیں کرتا ۔بچے کی دیگر مہارتیں اور صلاحیتیں بھی اس سے جڑی ہوتی ہیں ۔ خودی،خود اعتمادی، تخلیق،لچک، ماحول سے ہم آہنگی جیسی خوبیاں تجسس کی دین ہوتی ہیں۔Kathy Seal کے بقول متجسس بچے زیادہ محنت کرتے ہیںاور سکول اور عملی زندگی میں کامیاب ہوتے ہیں ۔ تجسس کو لے کر پروان چڑھنے والے بچے مطالعے سے محبت کرتے ہیں ۔وہ مختلف موضوعات پر ہونے والی گفتگو میں دلچسپی لے سکتے ہیں ۔ اس لیے وہ زیادہ گھلنے ملنے والے ہوتے ہیں، ان کی شخصیت دلچسپ ہوتی ہے اور ان کے دوست بھی زیادہ ہوتے ہیں۔متجسس ذہن زیادہ پرامید بھی ہوتے ہیں ۔Dr Martin Sligman نے تجسس کو ان چوبیس صفات میں شامل کیا ہے جو ہمارے اندر خوشی کے استحکام کا باعث بنتی ہیں۔ کرنے کا کام ہمارا سب سے قیمتی اثاثہ ہمارے بچے ہیں اور بچوں کا سب سے قیمتی ’اثاثہ‘ ان کا تجسس ہے ۔اس اثاثے کی حفاظت کرنا اور اسے ترقی دینا والدین اور اساتذہ دونوں کی ذمہ داری ہے ۔ والدین کے لیے لازم ہے کہ وہ گھر میں بچوں کو وقت دیں اوران کی بات توجہ سے سنیں ۔ چھوٹا عمر میں بچہ جب صاف گفتگو نہیں کرسکتا اور بظاہر بے معنی انداز میں بڑبڑاکر کچھ کہنے کی کوشش کرتا ہے ۔ اس وقت بھی اس کی بات سمجھنے کی کوشش کریں۔ آپ کی سمجھ میں بات نہ آرہی ہو تب بھی اس کو ریسپانس دیں ۔چاہے صرف’’جی ‘‘ کہہ دیں یا مسکرادیں ۔ ذرا بڑا بچہ کسی چیز کے بارے میں جاننا چاہے تو اس کے سوال کا براہِ راست جواب دینے کی بجائے اس کے سوال کو اس کی جستجو(Quest) میں بدل دیں ۔ اس سے کہیں کہ ہم مل کر جاننے کی کوشش کرتے ہیں یا اسے ریفرنس (مثلاً انٹرنیٹ پر موجود ویڈیو، یا تصویروں والی کتاب وغیرہ)بتادیں تاکہ بچہ خود سوال ڈھونڈنے کی کوشش کرے ۔ اس طرح بچے کے تجسس کو مہمیز ملے گی ۔وہ کوئی جگہ یا چیز دریافت کرے تو اس کے بارے میں پوچھیں ۔اس طرح اس کے مشاہدات کی حوصلہ افزائی ہوگی ۔ اس کو اپنی مرضی کا مشغلہ (Hobby) اختیار کرنے دیں ۔ سکول چونکہ بچوں کو تعلیم دینے اور ’سکھانے‘ کا دعویٰ رکھتا ہے ۔اس لیے سکول پر بچے کی ذمہ داری زیادہ ہے ۔ تجسس بچے کی فطرت کا حصہ ہوتا ہے ۔ سکول کے لیے مشکل نہیں کہ سکھانے کے عمل میں بچے کے تجسس کولے کر چلے ۔ لیکن اس کے لیے موجودہ نظام تعلیم میں بنیادی اصلاحات کا نفاذ لازمی ہے ۔ نصابی خاکے کی تدوین سے لے کر ، درسی کتب کی تصنیف ، نظام ِ امتحانات کی تشکیل، اساتذہ کے انتخاب اور ان کی تربیت تک انقلابی تبدیلیوں کی ضرورت ہے ۔ یہ طویل اور صبر آزما کام ہے ۔ اس کے نفاذ سے پہلے ہم موجودہ سکول سسٹم کو بچے کی فطرت سے ہم آہنگ کرنے کے لیے ضروری اقدامات کر سکتے ہیں ۔ تجسس کے بارے میں ہمیں جاننا چاہییے کہ اس کی سطح کم اور زیادہ ہوتی رہتی ہے ۔ اوراس کا انحصارماحول، افراد اور کام کی نوعیت پر ہوتا ہے ۔متجسس بچے ڈل ماحول اور افراد کے ساتھ رہ کر اپنے تجسس کو برقرار نہیں رکھ پاتے۔ سب سے پہلے ہمیں سکول کے ماحول کو دلچسپ اور تخلیقی نوعیت کا بنانا ہوگا۔ایسا ماحول جو بچے کے تجسس کو متحرک کر سکے۔اس کے ساتھ ساتھ ہمیں سیکھنے سکھانے کے لگے بندھے اور روایتی طریقوں سے ہٹ کر غیر روایتی طریقوں پر بھی توجہ مرکوز کرنا ہوگی ۔ایسے طریقے جو بچے کی فطرت سے میلان رکھتے ہوں ۔ جن کے ذریعے بچے کے لیے سیکھنے کا عمل مسرت انگیز عمل بن سکے ۔ بچے کو ریاضی کے سوالات صرف درسی کتاب ہی سے نہیں پڑھائے جاسکتے ۔ روزمرہ زندگی کی مثالوں اور طریقوں سے بھی جمع تفریق سمجھائی جاسکتی ہے ۔ایسے سبقی منصوبے (Lesson Plans) بنانے ہوں گے جو بچے کے تجسس سے مخاطب ہوسکیں۔ بچے کی خودمختاری کا احترام کرتے ہوئے کلاس روم مینجمنٹ کو ممکن بنانا ہوگا۔ ایسا اس وقت ہوسکتا ہے جب بچے میں استدلال (Reasoning)کے ذریعے احساسِ ذمہ داری پیدا کردیا جائے۔ سکول میں ایسا طالب علم دوست ماحول پیدا کرنا ہوگا جہاں بچہ بلا خوف و خطرسوال کرسکے۔ اور سب سے بڑھ کر یہ کہ استاد کو بچوں کے سامنے ایک ماڈل بننا ہوگا۔

بلدیاتی الیکشن : سابق یونین ناظمین کی اکثریت شکست سے دوچار-لاہور

بلدیاتی الیکشن : سابق یونین ناظمین کی اکثریت شکست سے دوچار-لاہور

 سات یونین ناظمین نے اپنی کامیابی کا تسلسل جاری رکھتے ہوئے ہیٹ ٹرک مکمل کی،دو سابق ایم پی اے چیئرمین یونین کونسل منتخب ،سابق دس کونسلر اس وقت ارکان اسمبلی ہیں لاہور کی دیہی سیاست پر عرصہ سے راج کرنے والے خاندان بلدیاتی سیاست سے کنارا کشی کرتے نظر آئے ،دوسابق ڈپٹی میئرزاور تین قائم مقام وٹاؤن ناظمین کو کامیابی ملی

لاہور--بلدیہ عظمیٰ لاہور کے انتخابات میں سابق یونین ناظمین کی اکثریت شکست کھا گئی جبکہ بڑی تعداد نے بلدیاتی انتخابات سے راہ فرار اختیار کی۔صرف سات یونین ناظمین نے اپنی کامیابی کا تسلسل جاری رکھتے ہوئے ہیٹ ٹرک مکمل کر لی۔ضلع کونسل نہ ہونے سے لاہور کی دیہی سیاست پر عرصہ سے راج کرنے والے خاندان بلدیاتی سیاست سے کنارا کشی کرتے نظر آئے ہیں۔دوسابق ڈپٹی میئرزاور تین قائم مقام وٹاؤن ناظمین کو کامیابی ملی۔دو سابق ایم پی اے چیئرمین یونین کونسل منتخب ہوئے جبکہ سابق بلدیہ عظمیٰ کے دس کونسلر اس وقت ارکان اسمبلی ہیں۔یونین کونسل86نیو سمن آباد سے کامیاب ہونے والے چیئرمین چوہدری محمد یونس نے آٹھویں مرتبہ بلدیاتی انتخابات میں کامیابی حاصل کر کے منفرد ریکارڈ اپنے نام کر لیا۔ بلدیاتی انتخابات میں مسلسل کامیابی حاصل کر کے ہیٹ ٹرک مکمل کرنے والوں میں یونین کونسل 20سے محمد مشتاق مغل، یوسی32کے طارق صابری،یوسی 87کے نومنتخب چیئرمین سیٹھ محمد اشفاق، یونین کونسل96کے میاں شہزاد طفیل، یو سی 201کے چوہدری عبدالغفور ،یوسی242کے ملک ندیم لیاقت اور یونین کونسل 211کے منتخب چیئرمین سجار ربانی شامل ہیں ۔بعض نائب یونین ناظمین کو اس بلدیاتی انتخابات میں چیئرمین بننے کا موقع مل گیا۔دو سابق ڈپٹی میئر حاجی محمد حنیف،نظافت چوہدری،سابق ٹاؤن ناظم قیصر امین بٹ،قائم مقام ٹاؤن ناظمین ملک عامر گڈو اور سید حشمت شاہ کو کامیابی ملی ۔ بلدیہ عظمیٰ لاہور کے 1998ء میں دس سابق کونسلر وں میں سے وحید عالم خان ایم این اے جبکہ میاں مرغوب احمد، مصطفی رشید، صبا صادق، خواجہ سلیمان رفیق، چوہدری شہباز احمد، میاں مجتبیٰ شجاع الرحمان، محمد وحید گل، ماجد ظہور، طارق گل اس وقت لاہور سے ہی رکن صوبائی اسمبلی ہیں۔ شکست

-

کرس گیل کا عامرخان کیساتھ ’’فنی فائٹ ‘‘کرنے کا اعلان

دونوں سٹارز کی ملاقات ،گپ شپ ،عامر 9جولائی کو مینی پیکیو سے فائٹ کریں گے

نئی دہلی (دنیانیوز)کرس گیل نے پاکستانی نژاد برطانوی باکسر عامرخان کیساتھ فنی فائٹ کا اعلان کردیا۔تفصیلات کے مطابق گزشتہ روز عامرخان نے بھارت میں موجود ویسٹ انڈین کرکٹر کرس گیل سے ملاقات کی ،دونوں نے خوشگوار موڈ میں گپ شپ کی ،اس موقع پر عامرخان نے اعلان کیا کہ وہ آئندہ سال 9اپریل کو فلپائنی باکسر مینی پیکیو کیساتھ فائٹ کرینگے ۔کرس گیل نے اس موقع پرکہا کہ وہ بھی عامرخان کیساتھ مقابلے کے خواہشمند ہیں تاہم وہ فنی فائٹ کرینگے ۔دونوں نے اس موقع پر باکسرز کے انداز میں مکا تانے

لاہور سمیت مختلف شہروں میں زلزلے کے شدید جھٹکے، لوگوں میں خوف وہراس

لاہور، قصور، شیخوپورہ اور گردونواح میں زلزلے کے شدید جھٹکے محسوس کئے گئے۔ لوگ کلمہ طیبہ کا ورد کرتے گھروں سے نکل آئے۔                         

 لاہور: (دنیا نیوز) لاہور سمیت پنجاب کے مختلف شہروں میں زلزلے کے شدید جھٹکے محسوس کئے گئے ہیں۔ اطلاعات کے مطابق لاہور کے علاوہ قصور، فیصل آباد، حافظ آباد، گوجرانوالا، شیخوپورہ اور دیگر علاقوں میں زلزلے کے جھٹکے رات تقریبا ساڑھے نو بجے محسوس کئے گئے۔ زلزلے کی شدت کے باعث لوگوں میں خوف و ہراس پھیل گیا اور لوگ گھروں سے کلمہ طیبہ کا ورد کرتے نکل آئے۔  

گدھے کا گوشت فروخت کرنے والے تین ملزمان گرفتار

ملتان (مانیٹرنگ ڈیسک ) پولیس نے شہریوں کی اطلاع پر گدھوں کا گوشت فروخت کرنے والے تین ملزمان کو رنگے ہاتھوں گرفتار کر لیا ہے ۔تفصیل کے مطابق ملتان کے علاقے میں گدھے کا گوشت فروخت کرنے والے تین ملزمان کو شہریوںنے پکڑکر پولیس کے حوالے کردیا ۔تینوں ملزمان کے خلاف تھانہ بہاوالدین ذکریا میں مقدمہ درج کر لیا گیا ہے ۔ملزمان نے اعتراف کیا ہے کہ وہ گدھوں کا گوشت مقامی ہوٹلوں میں سپلائی کرتے تھے ۔

سعودی معشیت کو بحت بڑ ا نقصا ن        

ریاض(مانیٹرنگ ڈیسک) سعودی عرب کا تمام تر دارومدار تیل کے کنوﺅں، نخلستانوں اور گندم کی پیداوار پر ہے۔ بہت کم لوگ جانتے ہوں گے کہ پانی کی قلت کے باوجود 1980ءسے 1990ءکے دوران سعودی عرب اس قدر گندم پیدا کر لیتا تھا کہ اپنی ضروریات پوری کرنے کے بعد وہ اسے برآمد کر دیتا جس سے کویت، متحدہ عرب امارات، قطر، بحرین، عمان اور یمن کی ضروریات بھی پوری ہو جایا کرتی تھیں مگر اب سعودی عرب کے گندم کے کھیت ختم ہوتے ہوتے آج بالکل ختم ہو چکے ہیں اور اس بار سعودی عرب پہلی بار اپنی غذائی ضرورت کے لیے تمام تر گندم درآمد کرے 

گا۔

سعودی عرب کے اس طرح گندم کی پیداوار سے محروم ہو جانے کی وجہ یہ ہے کہ جزیرہ نما کا زیرزمین پانی تقریباً ختم ہو گیا ہے اور اس کے کنویں خشک ہو گئے ہیں۔سعودی عرب نے 1970ءمیں ان کنوﺅں کے بل پر گندم کے فارم ہاﺅس بنائے اور 1990ءتک گندم کی پیداوار کو عروج پر لے کر گیا مگر اس کے بعد بارش کم ہونے کی وجہ سے زیرزمین پانی کی سطح کم ہوتی چلی گئی اور اب کنویں بالکل ہی خشک ہو گئے ہیں۔فلورملز آرگنائزیشن کے مینیجنگ ڈائریکٹر احمد بن عبدالعزیز الفریس نے ایک کانفرنس سے خطاب کرتے ہوئے بتایا کہ سعودی عرب اس سال ساڑھے 3ملین میٹرک ٹن گندم درآمد کرے گا۔

abcnews: پی ٹی آئی قومی اسمبلی میں سپیکر کے عہدے کے لیے انت...

abcnews: پی ٹی آئی قومی اسمبلی میں سپیکر کے عہدے کے لیے انت...: پی ٹی آئی قومی اسمبلی میں سپیکر کے عہدے کے لیے انتخاب لڑے گی :شاہ محمود قریشی اسلام آباد (مانیٹرنگ ڈیسک )پاکستان تحریک انصاف نے قومی ا...

پی ٹی آئی قومی اسمبلی میں سپیکر کے عہدے کے لیے انتخاب لڑے گی :شاہ محمود قریشی

اسلام آباد (مانیٹرنگ ڈیسک )پاکستان تحریک انصاف نے قومی اسمبلی میں سپیکر کے لیے ہو نے والے انتخاب میں حصہ لینے کا اعلان کردیا ہے ۔پی ٹی آئی کے رہنما شفقت محمود قومی اسمبلی میں سپیکر کے عہدے کے لیے امید وار ہو نگے ۔میڈ یا سے گفتگو کرتے ہوئے تحریک انصاف کے رہنما شاہ محمود قریشی نے کہا کہ پی ٹی آئی قومی اسمبلی میں سپیکر کے عہدے کے لیے انتخاب لڑے گی جس میں شفقت محمود امید وار ہو نگے ۔ان کا کہنا تھا کہ کل ہو نے والے قومی اسمبلی کے اجلاس میں عمران خان شرکت نہیں کریں گے ۔اس موقع پر ان کا کہنا تھا کہ بلدیاتی الیکشن کے پہلے مرحلے میں جو حالات سامنے آئے ،اس سے تشویش میں اضا فہ ہوا ہے ۔بلدیاتی انتخاب میں الیکشن قوانین کی دھجیاں اڑائی گئیں اور جوڈیشل کمیشن کی فائنڈنگ پر بھی پیش رفت نظر نہیں آئی ۔ان کا کہنا تھا کے بلدیاتی انتخاب میں ضابطہ اخلاق کی خلاف ورزی کی ،تیرہ سال کے بچوں نے ووٹ ڈالے ،سندھ میں خواتین جعلی ووٹ کاسٹ کر تے ہوئے پکڑ ی گئی ،خیر پور میں 13اموات ہوئیں ،پولیس کا استعمال کیا گیا ،پی ٹی آئی کے کارکن شہید ہوئے ۔شاہ محمود قریشی نے مطالبہ کیا کہ جو کوتاہیاں پہلے مرحلے میں ہوئیں ،انہیں اگلے دونوں مرحلوں میں نہ دہر ایا جائے ۔

پاکستان نے ٹیسٹ رینکنگ میں دوسری پوزیشن حاصل کرلی

دبئی: پاکستان نے شارجہ ٹیسٹ میں انگلینڈ کو شکست دے کر نہ صرف سیریز اپنے نام کی بلکہ ٹیسٹ رینکنگ میں 2 درجے ترقی پاکر دوسری پوزیشن بھی حاصل کرلی۔

شارجہ ٹیسٹ سے قبل ٹیسٹ رینکنگ میں قومی ٹیم 102 پوائنٹس کے ساتھ چوتھی پوزیشن پر براجمان تھی اور انگلینڈ سے سیریز جیتنے کے بعد قومی ٹیم نے 2 درجہ ترقی پاکر 106 پوائنٹس کے ساتھ دوسری پوزیشن سنبھال لی۔ فہرست میں جنوبی افریقا 125 پوائنٹس کے ساتھ پہلی پوزیشن پر ہے جب کہ آسٹریلیا کو بھی 106 پوائنٹس حاصل ہیں لیکن ایوریج کے اعتبار سے بہتری کی صورت میں پاکستان دوسری اور آسٹریلیا تیسری پوزیشن پر ہے۔

بھارت ٹیسٹ فارمیٹ میں 100 پوائنٹس کے ساتھ چوتھی پوزیشن سنبھالے ہوئے ہے جب کہ نیوزی لینڈ اور انگلینڈ کی ٹیمیں بالترتیب 99 پوائنٹس کے ساتھ پانچویں اور چھٹی پوزیشن پر قبضہ جمائے ہوئے ہیں۔ سری لنکا ساتویں، ویسٹ انڈیز آٹھویں، بنگلادیش نویں اور جنوبی افریقا ٹیسٹ رینکنگ میں دسویں نمبر پر ہیں۔

abcnews: انگلینڈ کے خلاف قومی ون ڈے ٹیم کا اعلان، یونس خان ...

abcnews: انگلینڈ کے خلاف قومی ون ڈے ٹیم کا اعلان، یونس خان ...: انگلینڈ کے خلاف قومی ون ڈے ٹیم کا اعلان، یونس خان کی واپس شارجہ:  انگلینڈ کے خلاف چار ایک روزہ میچز پر مشتمل سیریز کے لئے قوم...

انگلینڈ کے خلاف قومی ون ڈے ٹیم کا اعلان، یونس خان کی واپس

شارجہ: انگلینڈ کے خلاف چار ایک روزہ میچز پر مشتمل سیریز کے لئے قومی ون ڈے ٹیم کا اعلان کردیا گیا جب کہ یونس خان کی حالیہ کارکردگی کو دیکھتے ہوئے انہیں16 رکنی اسکواڈ میں شامل کرلیا گیا ہے۔

ایکسپریس نیوز کے مطابق پاکستان اورانگلینڈ کے درمیان 4 ایک روزہ میچز پرمشتمل سیریزکا آغاز 11 نومبرسے ہوگا جس کے لئے 16 رکنی اسکواڈ کا اعلان کردیا گیا ہے جس میں یونس خان کی حالیہ کارکردگی کو دیکھتے ہوئے انہیں بھی ورلڈ کپ کے بعد پہلی مرتبہ ٹیم میں شامل کیا گیا ہے۔

کپتان اظہرعلی کی قیادت میں انگلینڈ کے خلاف قومی ٹیم احمد شہزاد، محمد حفیظ، عامریامین، شعیب ملک، محمد رضوان، سرفرازاحمد، بابر اعظم، ظفرگوہر، بلال آصف، انورعلی، وہاب ریاض، یاسرشاہ، محمد عرفان اور راحت علی پرمشتمل ہے۔

یاسر شاہ ٹیسٹ کرکٹ کی 100 سالہ تاریخ کے کامیاب ترین بالر بن گئے

دبئی: قومی کرکٹ ٹیم کے تیزی سے ابھرتے ہوئے لیگ اسپنر یاسر شاہ ٹیسٹ کرکٹ کی 100 سالہ تاریخ میں سب سے کم میچز میں زیادہ وکٹیں حاصل کرنے والے باؤلر بن گئے ہیں۔

انگلینڈ کے خلاف دوسرے ٹیسٹ میں 8 وکٹیں حاصل کر کے یاسر شاہ ٹیسٹ کرکٹ کی 100 سالہ تاریخ میں سب سے کم میچ کھیل کر زیادہ وکٹیں حاصل کرنے والے باؤلر بن گئے ہیں۔ یاسر شاہ اب تک 12 ٹیسٹ میچز میں 24.17 کی اوسط سے 76 وکٹیں حاصل کر چکے ہیں جب کہ یاسر شاہ سے قبل کوئی بھی کرکٹر 100 برس میں یہ کارنامہ انجام نہیں دے سکا۔

یاسر شاہ نے انگلیڈ کے خلاف 2 ٹیسٹ میچز میں مجموعی طور پر 15 وکٹیں حاصل کیں اور سیریز کے بہترین کھلاڑی قرار پائے۔ اس کے علاوہ یاسر شاہ پاکستان کی جانب سے سب سے کم میچز میں 50 وکٹیں حاصل کرنے والے ٹیسٹ بالر بھی ہیں، انھوں نے یہ کارنامہ صرف 9 ٹیسٹ میچز میں انجام دیا اور ٹیسٹ کرکٹ کے 10 بہترین بالرز میں شامل ہو گئے۔

آسڑیلیا کے مایہ ناز لیگ اسپنر شین وارن بھی یاسر شاہ کو دنیا کا بہترین لیگ اسپنر قرار دے چکے ہیں جب کہ عبد القادر بھی یاسر شاہ کی بہترین باؤلنگ کے معترف ہیں۔

  ملک سے لوڈشیدنگ کا خاتمہ کر دیا جائیگا، نہی تا ر یخ آ  گی......

   اسلام آباد(ویب ڈیسک) پاکستان کے نجی شعبے نے 2017 ءتک ملک سے لوڈشیڈنگ ختم کرنے کا حکومتی دعویٰ کو مسترد کردیا ہے جبکہ سیکر یٹری پانی و بجلی کہتے ہیں کہ 2017 ءمیں لوڈشیڈنگ ختم کر دی جائیگی اس ضمن میں سرمایہ ملکی و غیر ملکی سرمایہ کاروں کو ترغیب دینے کیلئے ”پاکستان سرمایہ کاری کانفرنس “ کے عنوان سے تقریب کا انعقاد کرایا جس میں 250 غیر ملکی سرمایہ کاروں ، فیڈریشن چیمبر آف کامرس سمیت ملک بھر کے نجی شعبہ نے شرکت کی کانفرنس میں نجی شعبے کے نمائندوں کو کہنا تھا کہ 2017 ءتک ملک سے لوڈشیڈنگ ختم نہیں ہو سکتی کیونکہ توانائی بحران کی اصل جڑ بجلی کی رسد طلب میں فرق سے زیادہ بدانتظامی اور لائن لاسز ہیں جب تک ان مسائل پر قابو نہ پایا گیا لوڈشیڈنگ کا خاتمہ ممکن نہیں ہے وفاقی سیکرٹری پانی وبجلی یونس ڈھاگہ نے اپنے خطاب میں کہا کہ لوڈشیڈنگ کا فی حد تک کم کر دی گئی ہے 2017 ءتک ملک سے لوڈشیڈنگ کا خاتمہ کر دیاجایئگا انہوں نے کہا کہ پاور سیکٹر کے لائن لاسز اینس فیصد سے کم ہو کر اٹھارہ اعشاریہ دو فیصد پر آگئے ہیں، لوڈشیڈنگ کے نقصانات جی ڈی پی کے دو اعشاریہ چار فیصد سے کم ہو کر اعشاریہ سات فیصد رہ گئے ہیں انہوں نے کہا کہ ریکوری میں بھی بہتری آئی ہے۔ وفاقی وزیر پانی وبجلی خواجہ آصف نے کا کہنا تھا کہ پاک چین اقتصادی راہداری سے خطے کی صورتحال میں تبدیلی آئے گی ، جو کام نیٹو فورسز پندرہ سالوں سے نہ کر سکیں وہی کام پاک فوج نے ڈیڑھ سال میں اپنے وسائل سے کر دکھایا ، دہشت گردی کیخلاف جنگ میں کامیابی سے کثیر غیر ملکی سرمایہ کاری آئے گی، ملک میں پن بجلی کی چھوٹے منصوبوں کے لئے وسائل موجود ہیں اور غیر ملکی سرمایہ کار اس شعبے میں سرمایہ کاری کریں ، حکومت ایسی سرمایہ کاری کو تحفظ فراہم کرے گی۔ وفاقی وزیر پٹرولیم کا کہنا تھا کہ قطرے آنے والی ایل این جی پاک ایران گیس منصوبہ اور ٹاپی سے آنے والی گیس سے زیادہ سستی ہو گی، حکومت ملک میں ایل این جی کے پانچ ٹرمینل قائم کرنے کا ارادہ رکھتی ہے ایک ٹرمینل لگا دیا گیاجبکہ ایک پر کام جاری ہے ۔ کانفرنس سے خطاب کرتے ہوئے وفاقی وزیر منصوبہ بندی احسن اقبال نے کہا کہ پاک چین اقتصادی راہداری منصوبے میں 46 ارب ڈالر کی بجائے پچاس ارب ڈالر سرمایہ کاری ہو گی۔ ان کا کہنا تھا کہ ملک توانائی کے ایک بڑے بحران سے دو چار ہے۔ وفاقی وزیر تجارت انجینئرخرم دستگیر نے اپنے خطاب میں ملکی و غیر ملکی سرمایہ کاروں اور پاکستان کے عوام کیلئے چار خوشخبریوں کا اعلان کیا اور کہا کہ موجودہ حکومت نے ملک سے دہشت گردی اور انتہاپسند ختم کر دی ہے اور دہشت گردی 70 فیصد کمی آئی ہے یہ غیر ملکی سرمایہ کاروں کیلئے خوش آئندہ پیغام ہے۔  

abcnews: سپریم کورٹ نے پا کستا نیو ں کے د ل جیت لے

abcnews: سپریم کورٹ نے پا کستا نیو ں کے د ل جیت لے: سپریم کورٹ نے پا کستا نیو ں کے د ل جیت لے - شہریوں کو بیک وقت  سمیں رکھنے کی اجازت دیدی اسلام آباد (مانیٹرنگ ڈیسک) سپریم کورٹ نے ...

سپریم کورٹ نے پا کستا نیو ں کے د ل جیت لے

سپریم کورٹ نے پا کستا نیو ں کے د ل جیت لے - شہریوں کو بیک وقت  سمیں رکھنے کی اجازت دیدی

اسلام آباد (مانیٹرنگ ڈیسک) سپریم کورٹ نے شہریوں کو بیک وقت 8 سمیں رکھنے کی اجازت دیدی ہے۔ تفصیلات کے مطابق چیف جسٹس پاکستان کی سربراہی میں تین رکنی بینچ نے بیک وقت پانچ سے زائد سمیں رکھنے کے کیس کی سماعت کی۔ ذرائع کے مطابق سپریم کورٹ نے شہریوں کو ایک ہی وقت میں 8 سمیں رکھنے کی اجازت دیدی ہے جن میں 5 موبائل سمیں شامل ہوں گی جبکہ 3 ڈیٹا سمیں ہوں گی۔ کیس کی سماعت کے دوران عدالت نے ریمارکس دیئے کہ پاکستان ٹیلی کمیونیکیشن اتھارٹی ( پی ٹی اے) موبائل سموں پر پابندی کے حوالے سے کوئی ٹھوس دلائل نہ دے سکی۔ 

ذرائع کا کہنا ہے کہ سپریم کورٹ کے فیصلے کے بعد شہری ایک ہی وقت میں صرف پانچ موبائل سمیں ہی رکھ سکتا ہے تاہم اگر وہ ڈیٹا سم استعمال کرنا چاہے تو ان پانچ سموں کے علاوہ ایک ہی شناختی کارڈ پر 3 ڈیٹا سمیں بھی ایکٹویٹ کرائی جا سکتی ہیں۔ یوں شہریوں کو بیک وقت پانچ موبائل سمیں اور تین ڈیٹا سمیں رکھنے کی ا

شاہ رخ خان  اس سال پاکستان میں کنسرٹ کریں گے، کمپنی نے دعویٰ کردیا

کراچی (مانیٹرنگ ڈیسک) الیومینیٹ ایونٹ منیجمنٹ کمپنی نے دعویٰ کیاکہ بالی ووڈسٹار شاہ رخ خان رواں سال کے آخری دن پہلی مرتبہ پاکستان کے شہر کراچی میں پرفارم کریں گے۔ سوشل میڈیا پر ہونیوالی اپ ڈیٹس کے مطابق  نیوایئرنائٹ کے موقع پر نیشنل سٹیڈیم میں انٹرنیشنل ڈی جیز، نوجوان گلوکار، ڈانس مقابلہ اور ریمپ شوہوگا جس کی سیکیورٹی کی ذمہ داری پاکستانی سیکیورٹی فورسز اور پاک آرمی کے سپرد ہوگی جبکہ نجی ہیلی کاپٹروں سے مانیٹرنگ کی جائے گی ۔ 

کلرز ٹی وی کے پارٹنرز نے دعویٰ کیاہے کہ پاکستان کی تاریخ میں یہ پہلا موقع ہوگا کہ شاہ رخ خان پاکستان میں پرفارم کریں گے اور اس سلسلے میں واضح کیاگیاکہ ایک شخص کے داخلے کی فیس پانچ ہزار روپے ہوگی ۔

abcnews: شاہ رخ کو دھمکیا ں اور انتہا پسندی،23بھارتی فلم می...

abcnews: شاہ رخ کو دھمکیا ں اور انتہا پسندی،23بھارتی فلم می...: شاہ رخ کو دھمکیا ں اور انتہا پسندی،23بھارتی فلم میکرز نے ایواڈز واپس کرنے کا اعلان کر دیا نئی دہلی (مانیٹرنگ ڈیسک)انتہا پسندہندوﺅںکی ج...

شاہ رخ کو دھمکیا ں اور انتہا پسندی،بھارتی فلم میکرز نے ایواڈز واپس کرنے کا اعلان کر دی

شاہ رخ کو دھمکیا ں اور انتہا پسندی،بھارتی فلم میکرز نے ایواڈز واپس کرنے کا اعلان کر دیا

نئی دہلی (مانیٹرنگ ڈیسک)انتہا پسندہندوﺅںکی جانب سے شاہ رخ خان کو دھمکیوں اور اقلیتوں پر مظالم کیخلاف بطور احتجاج 23فلم میکرز نے اپنے ایوارڈز واپس کرنے کا اعلان کردیا ہے۔تفصیلات کے مطابق بھارتی جنتا پارٹی اور انتہا پسند ہندوﺅں کے ہجوم سے بھارت کااعتدال پسند طبقہ بے زار ہو گیا ہے ۔شاہ رخ خان کودی جانے والی دھمکیوں، اقلیتوں پر مظالم اور ملک میں انتہا پسندی کے فروغ نے بھارت کے 23فلم میکرز کو اپنے ایوارڈز واپس کرنے پر مجبور کر دیا ہے۔بھارتی میڈیا کے مطابق بھارتی فلم انڈسٹری کے نامور فلم میکرز نے ملک میں بڑھتی ہوئی انتہا پسندی اور حکومتی رویے کیخلاف احتجاجاََ ایوارڈز واپس کرنے کا فیصلہ کیاہے۔قبل ازیں متعدد ادیب، سائنسدان ،فنکار اور شعراءاحتجاجاََاپنے اعزازات واپس کر چکے ہیں ۔

واضح رہے کہ گزشتہ دنوں اپنے ایک انٹرویو میں بھارت میں بڑھتی ہوئی انتہا پسندی اور عدم برداشت کیخلاف آواز اٹھائی تو حکمراں جماعت بی جے پی کے رہنما  کیلاش وجے وارگیا نےنے کنگ خان کو پاکستانی ایجنٹ قراردیدیا۔بی جے پی رہنما کا کہنا تھا کہ شاہ رخ خان رہتے ہیں بھارت میں ہیں لیکن ان کی روح پاکستان میں ہے انہیں پاکستان بھیج دینا چاہیئے۔علاوہ ازیں بی جے پی کے ہی رہنما اور رکن اسمبلی یوگی ادیتیا ناتھ نے بھی شاہ رخ خان پر کڑی تنقید کی۔

 پاکستان نے 10 سال بعد ٹیسٹ رینکنگ میں دوسری پوزیشن حاصل کر لی,شارجہ ٹیسٹ میں فتح،

دبئی (مانیٹرنگ ڈیسک) پاکستان نے شارجہ ٹیسٹ میں انگلینڈ کو شکست دے کر ناصرف تین میچوں کی سیریز 2-0 سے اپنے نام کی ہے بلکہ ٹیسٹ ٹیم رینکنگ میں 10 سال کے طویل عرصے بعد دوسری پوزیشن بھی حاصل کر لی ہے۔ 

تفصیلات کے مطابق پاکستان نے شارجہ ٹیسٹ میں انتہائی زبردست کارکردگی کا مظاہرہ کیا اور برطانوی کھلاڑیوں کو ناکوں چنے چبوا دیئے ۔ محمد حفیظ کی شاندار سنچری کے بعد یاسر شاہ، شعیب ملک اور ذوالفقار بابر نے انگلش بلے بازوں کو ایسا گھمایا کہ کوئی بھی کریز پر ٹک نہ پایا۔ پاکستان نے شارجہ ٹیسٹ میں 127 رنز سے فتح حاصل کر کے 10 سال کے بعد آئی سی سی کی ٹیسٹ ٹیم رینکنگ میں دوسری پوزیشن بھی حاصل کی ہے۔