سلمان خان کے ساتھ گزارا گیا وقت بہت یادگار ہوتا ہے، سونم کپور

ممبئی: بالی ووڈاداکارہ سونم کپور کہتی ہیں کہ سلمان خان کے ساتھ گزارا گیا وقت بہت یادگار ہوتا ہے جسے انہوں نے ضائع نہیں کیا۔  

بھارتی ویب سائیٹ کودیئے گئے انٹرویو میں سونم کپور کا کہنا تھا کہ ان کا تعلق نئی دلی، بنارس یا پنجاب سے نہیں لیکن اس کے باوجود انہوں نے اب تک جو بھی کردار ادا کئے ہیں وہ تمام مختلف ہیں، وہ فلم اسٹار انیل کپور کی بیٹی ہیں جس نے اپنی زندگی ممبئی میں گزاری ہے، اس لئے ان کا نبھایا ہوا کوئی بھی کردار ذاتی زندگی سے مطابقت نہیں رکھتا۔

سونم کپورکا کہنا تھا کہ ایک اداکارکواس کی ہرفلم سے آگے بڑھنے میں مدد ملتی ہے۔ پریم رتن دھن پایو جیسی فلم کا حصہ بننا یقیناً کسی بھی اداکار کے لئے اعزازکی بات ہے۔ کسی اداکارکی کامیابی کو اس کی ہٹ فلموں سے جانچنا پرانا طریقہ ہے اور وہ اسے نہیں مانتیں، وہ پریم رتن دھن پایو کا حصہ  کچھ نیا سیکھنے اور کرنے کے لئے بنیں۔ انہوں نے کہا کہ جب کسی بھی اداکار کے لئے سلمان خان کے ساتھ کام کرن بہت معنی رکھتا ہے، ان کے ساتھ گزارا گیا ہرروز بہت یادگار ہوتا ہے کیونکہ سیٹ پر تمام لوگ ایک ساتھ ایک ہی جیسا کھانا کھاتے ہیں، فلم کے سیٹ پر موجود ہر شخص اپنے کام میں مخلص ہوتا ہے اور اس جذبے کو محسوس کرنا بہت مثبت تجربہ ہوتا ہے۔