جمہوری آمر زوال کا ذمہ دار،پاکستان دنیا کا مقروض ترین

جمہوری آمر زوال کا ذمہ دار،پاکستان دنیا کا مقروض ترین

پشاور (سٹاف رپورٹر، مانیٹرنگ ڈیسک) چیرمین تحریک انصاف عمران خان نے کہا کہ مسلم لیگ (ن) اور پیپلزپارٹی 6 بار باریاں لینے کے بعد بھی بلدیاتی انتخابات نہیں کرواسکے جب کہ آمروں کے دور میں بلدیاتی انتخابات ہوئے تو اقتدار نچلی سطح پر منتقل نہیں کیا گیا۔ انہوں نے کہا کہ 60 کی دہائی میں پاکستان ترقی میں سب سے آگے تھا لیکن جمہوری آمروں نے تمام اختیارات اپنے پاس رکھے جس سے ملک میں زوال آیا تاہم خیبرپختونخوا کی حکومت تاریخ میں پہلی بار گاو¿ں کے لوگوں تک فنڈز پہنچائے گی اور تمام بلدیاتی نمائندوں کو بلاتفریق فنڈز دیے جائیں گے۔عمران خان کا کہنا تھا کہ ہم نے خیبرپختونخوا کے اسپتالوں کو خود مختار بنانے کا فیصلہ کیا ہے اور اس کے لیے اسپتالوں کو حکومتی کنٹرول سے نکال کر بورڈ آف کورننس کے تحت لائیں گے کیوں کہ حکومتی نظام مکمل بیٹھ چکا ہے اور جب تک اسپتال حکومتی کنٹرول میں رہے گا یہ آگے نہیں چل سکتا کیوں کہ پرانے نظام کے تحت ڈاکٹرز اور ایڈمنسٹریشن تو فائدے اٹھاتی ہے لیکن مریض خوار ہورہے ہوتے ہیں۔ انہوں نے کہا کہ بورڈ آف گورننس میں عام شہریوں کو شامل کیا گیا ہے اور انہیں مکمل اختیارات دیئے جائیں گے جو خود میریٹ پر ڈاکٹرز اور ایڈمنسٹریشن کو رکھیں گے۔ انہوں نے کہا کہ پرانے نظام کے تحت حکومتیں پیسے بناتی رہی ہیں اور ایل آر ایچ میں پچھلے 7 سال سے نئی بلڈنگ بن رہی ہے جو 7 ارب روپے خرچ ہونے کے بعد بھی مکمل نہیں ہوا جب کہ شوکت خانم پر 3 ارب روپے خرچ ہوئے اور 3 سال میں مکمل بھی ہوا۔چیرمین تحریک انصاف نے کہا کہ اسپتالوں سے متعلق نیا سسٹم جنوری 2015 میں اسمبلی سے پاس ہونے کے باجود عملدرآمد نہیں ہوا کیوں کہ کچھ ڈاکٹرز کا گروپ ہے جو پرانے سسٹم سے بے پناہ فائدہ اٹھا رہے ہیں اس لیے ہم عدلیہ سے درخواست کرتے ہیں کہ ڈاکٹرز مافیا اسپتالوں میں بہتری نہیں آنے دے رہیاور اسٹے آرڈر کے پیچھے چھپ رہے ہیں۔ پاکستان تحریک انصاف کے چیئرمین عمران خان نے کہا ہے کہ پاکستان40سال پہلے تک ترقی کی راہ پر گامزن تھا اب دنیا کا مقروض ترین ملک بن گیا آج بنگلہ دیش پاکستان سے آگے نکل گیا۔پشاور میں نیوز کانفرنس میں انہوں نے کہا کہ حکومت کے نیچے ادارے نہیں چل سکتے،ہسپتال پیسہ کمانے کا بہت بڑا ذریعہ بن چکے ہیں۔خیبر پی کے میںہسپتالوں کو سرکاری کنٹرول سے نکالینگے۔حاضری کیلئے بائیو میٹرک سسٹم لگایا تو ڈاکٹر ناراض ہوگئے۔ڈاکٹرصرف ہسپتالوں میں سیر کیلئے آتے ہیں جو کچھ آتے ہیں صرف چند گھنٹوں کیلئے آتے ہیں انہوں نے کہا کہ میں تمام ڈاکٹرز کو خبر دار کرتا ہوں کہ ان کو کام کرنا پڑے گا حکومت ان کی کسی بلیک میلنگ میں نہیں آئے گی۔ہسپتالوں کو بورڈ آ ف ڈائریکٹرز کی نگرانی میں دیا جائےگا جس میں قابل اور ایماندار افراد شامل ہونگے ۔ انہوں نے کہا کہ موجودہ سسٹم انتہائی خراب ہے اس کو تبدیل کرینگے۔ہم مینڈیٹ لیکر آئے ہیں ۔ انہوں نے کہا کہ جب کرپٹ ڈاکٹرز کیخلاف کوئی کارروائی کی جاتی ہے تو یہ سٹے آرڈر لے آتے ہیںلیکن ہم ان کا ہرجگہ پیچھا کرینگے ان سے بلیک میل نہیں ہونگے۔ہسپتالوں میں مافیا بننے والوں کے نام اخبارات میں دینگے۔ان کے گھروں کا گھیراو کرینگے۔میں ہسپتالوں کے ٹھیک کرنے پشاور آیا ہوں اس کے بعد میں یونیورسٹیاں پر توجہ دونگا۔انہوں نے کہا کہ پی ٹی آئی کے دبا پر بلدیاتی الیکشن کرائے گئے۔خیبر پی کے میں گاﺅں کی سطح پر فنڈز دینگے