پر اسرار مخلوق کی ایک تصویر جس نے انٹرنیٹ پر تہلکہ مچادیا، یہ کیا چیز تھی؟

نیویارک (نیوز ڈیسک)دنیا میں عجیب و غریب مخلوقات کے نمودار ہونے کی جھوٹی سچی کہانیاں تو اکثر سامنے آتی رہتی ہیں لیکن امریکا میں ایک خاتون کے گھر کے پچھلے صحن میں واقعی ایک ایسی عجیب و غریب مخلوق نمودار ہوگئی ہے کہ جس کی حقیقت نہ ماہرین حیاتیات کو معلوم ہے اور نہ ہی کبھی اس سے پہلے کسی نے اس طرح کی شے دیکھی ہے۔
جریدے ڈیلی میل کی رپورٹ کے مطابق کیلیفورنیاسے تعلق رکھنے والی خاتون جیانا پرپونس نے گلابی رنگ کی ایک عجیب الخلقت چیز کی تصاویر سوشل میڈیا پر پوسٹ کی ہیں جو دو چھوٹی ٹانگوں اور ایک بہت بڑے سر کے ساتھ انتہائی خوفناک نظر آتی ہے۔ جیانا کا کہنا ہے کہ انہیں نصف شب کے قریب اپنے پچھلے صحن سے چیخوں کی آواز آئی، جب وہ وہاں گئیں تو اس حیرت انگیز چیز کو دیکھ کر انتہائی خوفزدہ ہوگئیں۔ وہ کہتی ہیں کہ یہ چیز بالکل بے حس و حرکت پڑی تھی اور مردہ معلوم ہورہی تھی۔میڈیا میں اس مخلوق کی تصاویر سامنے آنے کے بعد طرح طرح کی آراء سامنے آرہی ہیں۔ اکثر لوگ اسے کوئی خلائی مخلوق قرار دے رہے ہیں لیکن کچھ کا یہ بھی کہنا ہے کہ یہ کسی جانور کا نومولود بچہ ہے جس کا کچھ حصہ کسی شکاری جانور نے کھالیا ہے جبکہ باقی حصہ ایک خوفزدہ کردینے والی مخلوق کی صورت میں باقی بچ گیا ہے۔

جیانا نے ماہرین حیوانیات سے بھی درخواست کی ہے کہ اس کا تجزیہ کرکے حقیقت کے بارے میں کچھ بتائیں، لیکن تاحال اس بات کا فیصلہ نہیں ہوا کہ یہ کیا چیز ہے اور نصف شب کے وقت جیانا کے گھر میں چیخوں کی آواز کے ساتھ کیسے نمودار ہوئی۔